Зәйнең «Радость» халыкка социаль хезмәтләр күрсәтү үзәгендә Татарстанда Хәрби батырлык һәм хезмәт фидакарьлеге елы кысаларында көндезге бүлектә социаль хезмәт алучылар өчен «Зур сугышның кечкенә геройлары» дигән мәгълүмат сәгате узды.
Чарада катнашучылар яшь герой-антифашист көненә багышланган видеоролик карадылар. Мәгълүмат сәгате патриотизм һәм Россия тарихына хөрмәт тәрбияләүгә юнәлдерелгән мөһим вакыйгага әверелде.
“Чара барышында хезмәт алучылар Бөек Ватан сугышында батырлык һәм каһарманлык күрсәткән балалар һәм яшүсмерләрнең батырлыклары белән таныштылар. Алар - Валя Котик, Зина Портнова, Володя Дубинин кебек мәшһүр геройлар, шулай ук яшь Ватанны саклаучылар турында белделәр. Фильмны караганнан соң, фаҗигале вакыйгалар кабатланмасын өчен тарихны истә тотуның мөһимлегенә, шулай ук безнең заманда героизмның әһәмияте турында фикер алышу булды. Катнашучылар сораулар бирделәр, үзләренең фикерләре һәм тәэсирләре белән уртаклаштылар”, - ди чараны оештыручы Кәүсәрия Кузнецова.
Тарихыбызның бу куркыныч битләрен һәркем истә тотарга тиеш.
Фотолар үзәктән.
Нет комментариев