Зәйдә бер көндә, тавыш бирүне сорап, 9 кешенең МАХын “ватканнар”

Полиция хезмәткәрләре җинаять фактлары буенча эш алып бара, оператив эзләү чаралары үткәрелә.

28 сентябрьдә бүлеккә Зәйдә яшәүче 45 яшьлек хатын-кыздан гариза кергән.   8 сентябрьдән 25 сентябрьгә кадәр аңа билгесез кеше кыйммәтле металларда акча эшләргә тәкъдим итеп, 99400 сум акчасын урлаган.

1 октябрьдә полиция хезмәткәрләренә 69 яшьлек хатын-кыз мөрәҗәгать итә. Аның МАХ мессенджерын “ватып”,  30  мең сум акча сорыйлар.  Зыян күргән хатын-кыз әлеге суммада акчаны билгесез счетка күчерә. 

“Мошенниклык фактлары буенча җинаять эшләре ачылды, аларны кылучыларны ачыклау буенча оператив-эзләү чаралары үтәрелә”, - дип хәбәр итәләр  полиция бүлегеннән.

Шул ук көнне МАХ мессенджерын “ватулар”ның зур дулкыны теркәлгән. Полициягә шәһәр һәм районның 9 гражданы мөрәҗәгать иткән. Мошенниклар билгеле сылтама буенча узарга һәм  тавыш бирүне сораганнар, нәтиҗәдә мессенджерларны “вату” гамәлгә ашырылган.