Зәй районында дәүләт флагларын яңарталар

22 августта Россия Федерациясенең Дәүләт флагы көне билгеләп үтелә. Бу көн рәсми ял көне булмаса да, бәйрәм чаралары шактый колачлы уза.

Дәүләт әләме көне алдыннан район башлыгы Разиф Кәримов дәүләт муниципаль учреждениеләре җитәкчеләренә биналарга куелган дәүләт флагларын яңартырга тәкъдим итте. Районда барлыгы 119 муниципаль учреждение бар. Моннан тыш, юл буендагы күперләр әләмнәр белән бизәләчәк.

22 августта Зәйнең «Энергетик» Мәдәният сарае мәйданында Дәүләт флагы көне уңаеннан чара узачак.