“Мәктәпкә җыенырга ярдәм ит”: Зәйдә беренче сыйныф укучыларын яңа уку елына әзерлиләр

Акциянең максаты - беренче уку елына әзерләнүдә аеруча ярдәмгә мохтаҗ балаларга: аз керемле һәм күп балалы гаиләләрдәге беренче сыйныф укучыларына, сәламәтлек мөмкинлекләре чикләнгән балаларга, шулай ук махсус хәрби операциядә катнашучыларның балаларына ярдәм итү. Акция бу балаларга мәктәп тормышына ышаныч белән керергә һәм үзләрен зур укучылар бергәлегенең бер өлеше итеп тоярга мөмкинлек бирә.

Игелекле эштә предприятие җитәкчеләре, шәхси эшмәкәрләр һәм авыл җирлекләре башлыклары актив катнаша: алар бергәләп барлык балалар өчен мәктәптә тигез шартлар булдырырга ярдәм итәләр. Хәзерге вакыттта мәктәп портфельләре һәм кирәкле кирәк-яраклар алу өчен акча җыю эше бара.

Акциянең төп вакыйгасы 26 августта мәгариф хезмәткәрләренең август конференциясе кысаларында «Энергетик» Мәдәният сарае янындагы мәйданда узачак. Анда акциягә йомгак ясалачак һәм яшь зәйлеләргә ярдәм итү буенча алга таба адымнар ясалачак.