Патриотик сәгать кысаларында махсус хәрби операциядә катнашучыларга рәхмәт сүзләре белән рухи көч биреп хат та яздылар.
12 августта Якты Күл мәдәният йортында «Геройлар безнең арада» дип исемләнгән патриотик сәгать уздырылды.
Чараның төп темасы — бүген махсус хәрби операция зонасында Ватаныбызны саклаучы якташларыбыз.
Чарада катнашучылар махсус хәрби операциядәге егетләрнең язмышы белән таныштылар: аларның мәктәптә ничек укулары, яшь чактагы хыяллары һәм нәкъ менә нәрсә аларны Ватанга хезмәт итәргә этәргәне турында белделәр. Күпләр шәхсән белгән хәрби егетләрнең тормыш юлы шуны раслый: чын геройлар — кино персонажлары түгел, ә безнең янәшәдә, күрше авылларда яшәүче гади кешеләр.
Очрашу «Солдатка хат» дигән акция белән тәмамланды. Катнашучылар үзләренең йөрәк җылысын кушып, сугышчыларга хатлар яздылар. Һәр хатта алгы сызыкта булган егетләребез өчен бик мөһим булган рәхмәт сүзләре иде.
Фотолар мәдәният йортыннан.
Нет комментариев