Ветеранга депутаттан котлау телеграммасы килде

Бу көннәрдә депутат ярдәмчесе Анна Ивановнага котлау телеграммасы тапшырды.

Бөек Ватан сугышы ветераны Анна Ивановна Моисеева 15 февральдә 102 яшьлек юбилеен билгеләп үтте. Анна Ивановнаны туган көне белән РФ Дәүләт Думасы депутаты Олег Морозов котлады.

«Сезнең тормыш юлыгыз — зирәклек, ныклык һәм бөек хезмәт үрнәге. Сезнең өлешегезгә күп сынаулар туры килде, әмма сез аларны намус белән һәм лаеклы үттегез, безнең барыбыз өчен дә илһам бирүче булып калдыгыз», — диелә депутатның котлау телеграммасы текстында. 

Февраль башында РФ Дәүләт Думасының контроль буенча комитет рәисе Олег Морозов шәхсән үзе Анна Ивановна белән очрашты һәм ветеранга «1941-1945 еллардагы Бөек Ватан сугышында Җиңүгә 80 ел» юбилей медален тапшыру тантанасында катнашты.