Кадер авылында күңелле итеп, авылны ямьләп, Сабантуйга бүләк җыйдылар

Сабантуй бәйрәменең матур гореф-гадәте булып алдан аңа бүләк җыю тора. Традицияләребезне саклау, яшь буынга җиткерү, халкыбызда бәйрәм рухы уяту йөзеннән Кадер авылында мәдәният хезмәткәрләре балалар белән бергә Сабантуйга бүләк җыйды.

- Ил-көннәребез тыныч булсын. Иген-икмәкләр мул булып уңсын, һәр барчабыз исән-сау булыйк. Балалар тәүфыйклы булып үссеннәр. Киләсе елларны күрергә насыйп булсын, - дип матур теләкләр җиткерә-җиткерә бүләкләр тапшырды Кадер авылы халкы.

Матур теләкләр белән тапшырылган, алдан әзерләп куйган бүләкләр Сабантуйда үз ияләрен табар.

Фотолар Кадер авылы мәдәният йортыннан.