Икенче һәм Өченче Бөгелдедә яшәүчеләр Мирный бистәсе мәдәният йорты хезмәткәрләренә күңелле итеп Яңа ел тамашасы үткәргәннәре өчен рәхмәт белдерә.
-Авылыбызда күптәннән мондый бәйрәмнең оештырылганы юк иде. Бәйрәм авыл урамнары буйлап баянга яңа ел җырларын кушылып җырлаудан башланды. Халык Яңа ел чыршысы янына җыелгач, "Ирония избы или с нелегким паром" сәхнәләштерелгән тамашасы башланып китте. Төрле кызыклы конкурслар уздырылды, такмаклар, шаян җырлар яңгырады, рәхәтләнеп биедек, күңел ачтык. Бәйрәм ахырында балаларга татлы бүләкләр таратылды, ә өлкәннәр Кыш бабйдан призлар алды.
Ике авыл халкы исеменнән шәһәр мәдәният йорты хезмәткәрләренә шундый күңелле бәйрәм оештырганнары өчен рәхмәт белдерәбез.
Нет комментариев