Чәчәк атканнан соң пионнарны ничек тәрбияләргә?

Пионның яфракларын һәм сабакларын сентябрь ахырында, октябрьдә, беренче кыраулардан соң, кисәргә куша бакчачылар. 

-Пион үзенең яшел массасы белән туклана, шуңа күрә яфракларын һәм сабакларын вакытыннан алда кисәргә ашыкмагыз, югыйсә, сез аны тукланудан мәхрүм итәсез, һәм ул алдагы елда купшы итеп чәчәк атмаячак,-диләр.  

Көзен сабак төбен 2 сантиметр калдырып кисәргә кирәк. Пионның ито-гибрид дигән сортларын, язын сабактагы бөреләр үсентеләр бирсен өчен, 15 сантиметр  калдырырга мөмкин. Бу очракта аларны торф белән күмгәләргә, язын аны пөхтә итеп җыеп алырга кирәк.

Пионнарны кайчан күчереп утырту уңышлы? Бу эшне көзге якта – 20 августтан соң башкаралар. Пион бер урында 10-15 ел да үсә ала, аны еш күчерергә кирәкми.

автор фотосы.