Айрат Җиһаншин: “Быел да сынатмыйбыз”
Зәй районында хезмәт юлларын игенчелек, җир эшләренә багышлаганнар шактый. Шундыйларның берсе Куш-Елга авылыннан Айрат Җиһаншин.
Бүген ул район авыл хуҗалыгы тармагында әйдәп баручы комбайнчы-механизаторларның берсе. Ә бу һөнәргә Айрат ныклап торып 2007 елдан кереп китә. Башта бер сезон комбайнчы ярдәмчесе булып эшли, аннан үзе аерым комбайнга утыра.
“Куәтле комбайнга утырып бер тапкыр кырларны гизсәң ул инде сине бөтен барлыгың белән үзенә тартып ала. Урак чорын дулкынланып, ашкынып көтеп алам. Хәзер бит техника да заманча, бөтен уңайлыклары бар, эшлисе килеп кенә тора”, - ди Айрат.
Аның әтисе Фидаил Җиһаншин да 30 еллап хезмәт юлын механизаторлык һөнәренә багышлаган. Ә Айрат хәзер әтисе эшен саллы дәвам итүче авыл хуҗалыгы тармагы алдынгысы. Ул һәр урак чорыннан соң “Уңыш бәйрәме”ндә район башлыгы премиясенә лаек булып килә. Быел да сынатмаска исәбе.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев