Зәй районында юлларны төзекләндерү өчен 200 млн сумга якын акча бүлеп бирелә

5 май 2026 - 11:00 Автор:

Энҗе Әгъләмова

100

Татарстанда юлларны ремонтлауга 461,1 млн сум акча бүленгән. Тиешле тендерлар дәүләт сатып алулары порталында бастырылган.

Төп объект Зәй районында урнашкан. «Зәй – Бохарай» трассасын капиталь ремонтлауга 197,1 млн сум бүлеп бирелә. Подрядчы 3 чакрым озынлыктагы участокны яңартачак. Эшләрне 2027 елның 22 октябренә кадәр төгәлләү планы тора.