Юл яңартылу сәбәпле, Зәйнең Җиңү проспекты вакытлыча ябыла

25 апрель 2026 - 14:48 Автор:

Автор

100

27 һәм 28 апрельдә Зәйнең автомобиль юллары идарәсе юлчылары Җиңү проспектында юл өслеген төзекләндерү эшләрен башкарачак.

Шул сәбәпле, Зәй автомобиль юллары идарәсе боз сарае каршыннан алып "Тарышкин" автобус тукталышына кадәр арада транспорт чаралары йөрүе чикләнәчәге турында кисәтә. Бу урыннан үтәргә уйлаучыларның алдан ук хәрәкәт итүне башка юлдан планлаштыруы сорала.