Зәй районында Чаллы — Әлмәт трассасы участогын яңарттылар

Чаллы — Зәй — Әлмәт автомобиль юлы участогын ремонтлау төгәлләнде. Эшләр  “Тормыш өчен инфраструктура” илкүләм  проекты  кысаларында башкарылды. 1,4 километр арада  трасса  яңартылды.

Быел Татарстанда илкүләм проект кысаларында гомуми озынлыгы 200 километрдан артык булган 131 объектны ремонтлау планлаштырылган, шул исәптә 13,5 километр арадагы төбәк әһәмиятендәге юллар.

Фото ТР Транспорт һәм юл хуҗалыгы министрлыгы рәсми сайтыннан.