Зәй районы башлыгы машина төзүчеләр белән очрашты

Завод җитәкчесе Екатерина Мизрина белән бергә  алар  җитештерү цехларын, продукция чыгару линияләрен карадылар һәм хезмәткәрләрнең эш шартларын бәяләделәр. 

Төп продукцияне эшләп чыгаруның технологик процессларына һәм куркынычсызлык нормаларын үтәүгә аерым игътибар бирелде.

Агымдагы елда предприятие алдында түбәндәге бурычлар тора: җитештерү һәм сату күләмнәрен арттыру, чыгымнарны киметү, хезмәт һәм куркынычсызлык шартларын яхшырту, продукциянең яңа төрләрен үзләштерү.

Разиф Галиевич предприятие коллективына бердәм хезмәтләре өчен рәхмәт белдерде, аларны киләчәктә дә хезмәт җитештерүчәнлеген сакларга өндәде.