Махсус хәрби операциядән ялга кайткан Зәй егете өйләнде
Махсус хәрби операциядән кыска вакытлы ялга кайткан Александр сөйгәне Ольгага кияүгә чыгарга тәкъдим ясаган һәм аның «әйе», дигән җавабын алгач, ЗАГСка гариза биргәннәр.
Александр хәрби зонада «Незнайка» позывноен йөртә.Ул — штаттагы контрактчы, 2016 елда Сахалинга хезмәт итәргә китә, махсус хәрби операциянең башыннан Ватаныбыз иминлеге өчен көрәшә.
-Без Донецк юнәлешендә хәрби бурычыбызны үтибез. Бурычыбыз — саклау пункты, оборонаны тоту һәм команданы тулысынча тәэмин итү, — ди ул хезмәте турында.
Александр хәрби батырлыгы һәм фидакарьлеге өчен «Жуков» һәм II дәрәҗә «Хәрби батырлыгы өчен» медальләренә лаек булган.
Ольга — Чаллы кызы. Алар интернет челтәре аша танышканнар. Александр хезмәтенә киткәч, Ольга Зәйдә яшәргә карар иткән.
Яшь гаиләне әти-әниләре, якыннары котлады. Район башкарма комитеты җитәкчесе Регина Камалова район башлыгы Разиф Кәримов исеменнән котлау сүзләрен җиткереп, яшь гаиләнең бәхетле булуын, Александрның исән-сау җиңү белән кайтуын теләде.
Тантанада катнашучы башкалар да яшь гаиләгә изге теләкләр юлладылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев