Зәй киноучреждениесендә «Тере хәтер» чарасы узды

Илкүләм проект кысаларында уздырыла торган чаралар 14 яшьтән 35 яшькә кадәрге яшьләрнең талантларын үстерү һәм үз-үзләрен тормышка ашыру өчен уңайлы мохит булдыруга юнәлдерелгән.

«Без бергә» федераль проекты кысаларында Ватаннан читтә хезмәт бурычын үтәгән россиялеләрне искә алу көне уңаеннан киноучреждениедә «Тере хәтер» чарасы узды. Әлеге чара барлык катнашучыларның йөрәкләрендә тирән эз калдырган кешелеклелек һәм патриотизмны искә төшерде. Илебез геройлары истәлегенә бер минут тынлык игълан ителде.

Зәй политехника көллияте студентлары белән очрашуга хәрби хәрәкәтләр ветераннары, «Ватанны саклаучылар» дәүләт фондының Зәй филиалы социаль координаторы Наталья Зиннурова, «Сугышчан бердәмлек» иҗтимагый оешмасының Зәй бүлеге рәисе Сергей Хватков чакырылган иде.

Хәрби комиссариатның гражданнарны хәрби хезмәткә әзерләү һәм чакыру бүлеге башлыгы Александр Гурьянов студентлар белән гражданлык позициясен һәм патриотик аңны формалаштыру турында әңгәмә үткәрде. 

Педагоглар фикеренчә, мондый чаралар буыннар элемтәсен ныгыта, яшьләр арасында патриотизм тәрбияләүдә мөһим роль уйный.