Татарстанда кайбер белгечлекләр буенча хезмәт хаклары артуны теркәделәр. 2026 елның беренче кварталында төбәктә уртача хезмәт хакы 83,1 мең сумга җиткән. Бу узган ел күрсәткечләреннән 12 процентка югарырак. Бу хакта «Реальное время»хәбәр итә.
Керемнәрнең иң сизелерлек үсеше эшләнмә төркемнәре җитәкчеләрендә күзәтелә. Аларга 225 мең сумга күбрәк тәкъдим итә башладылар, һәм уртача хезмәт хакы 375 мең сумга җитте. Башка белгечләрнең дә хезмәт хаклары сизелерлек артты. Эретеп ябыштыручыларда өстәмә 112,2 мең сум, монтажчыларда – 67,6 мең, электромонтажчыларда 66,7 мең сум тәшкил иткән.
Идел буе hh.ru директоры Альбина Солтанова билгеләп үткәнчә, хезмәт хаклары арту идарә итү һәм ИТ-позицияләргә дә, эшче һөнәрләренә дә кагылган. Бу хезмәт базарында ихтыяҗ структурасын чагылдыра.
Тармаклар арасында нефть-газ секторы алда бара. Анда хезмәт хаклары 24 процентка үскән. Үсеш шулай ук мәгарифтә (плюс 19 процент), финанс секторында (плюс 17 процент) һәм ваклап сатуда (плюс 16 процент) күзәтелгән.
Иң югары уртача хезмәт хакы төзелеш һәм күчемсез милек өлкәсендә теркәлгән – 119 мең сум. Иң түбән хезмәт хакы сәнгать һәм мәдәният өлкәсендә күзәтелә – 62 мең сум.
Чыганак: Вести Татарстан
Нет комментариев