Зәйлеләр Казан Мәрьям Ана иконасы хөрмәтенә масштаблы тәре йөрешендә катнаштылар

Казанда алар 7 меңгә якын православие динен тотучыларны җыйган тәре  йөрешенә кушылдылар. Тәре йөреше Казан Кремленең Благовещение соборы диварлары яныннан старт алды. Дин тотучылар борынгы Кремль диварлары тирәсендәге Богородица монастырена кадәр сузылган традицион маршрут буенча уздылар. Күп кенә зәйлеләр өчен бу вакыйга гасырлар буе дәвам иткән рухи традицияләргә кагылу мөмкинлеге булды.

Тантананың кульминациясе Богородица монастырена килү булды. Гыйбадәт кылуны Мәскәү һәм бөтен Русь Патриархы Кирилл җитәкләде.

Сәфәр зәйлеләрнең күңелләрендә тирән эз калдырды. Зәй округы благочинные Родион Садыйков үз тәэсирләре белән уртаклашты:

"Бу бөек көнне аның бәйрәмендә булырга ярдәм иткәне өчен Изге Ана Аллага рәхмәт әйтәбез! Һәм безнең  сәфәрне оештыруга катнашы булганнарның барысына да рәхмәт белдерәбез”.

фотолар Зәй благочиниясеннән