Зәйдә бәйрәм митингында музей хезмәткәрләре «Җиңү авазы» күргәзмәсен тәкъдим итте

Бөек Ватан сугышы тәмамлануның 81 еллыгы уңаеннан Зәй туган як тарихын өйрәнү музее «Җиңү авазы» дип исемләнгән күргәзмә тәкъдим итте.

Татарстанда Хәрби батырлык  һәм хезмәт фидакарьлеге елы, Зәй районында Ватанпәрвәрлек һәм бердәмлек елы уңаеннан шәһәр халкы һәм кунаклар музей хезмәткәрләре әзерләгән агитация плакатларын күрә алдылар. Бу сәнгать әсәрләре, җанлангандай, бөтен илне берләштергән рухның сыгылмаучан көчен һәм Җиңүгә ныклы омтылышын искә төшерделәр.

“Бөек Ватан сугышы башлану белән пропаганда материаллары аерым әһәмияткә ия була. Сугыш чоры плакатлары халык фикерен формалаштыру, шулай ук иң көчле хисләрне уята торган була: дошманга, басып алучыга карата ачу һәм нәфрәт, һәм шул ук вакытта – Ватанга чиксез мәхәббәт, аны нинди генә бәягә булса да сакларга кирәк була. Шул чор рәссамнары чын мәгънәсендә бөек һәм драматик образлар тудырганнар, аларны халык хәтерендә мәңгегә уелып калган кыска, әмма бик тирән мәгънәле фразалар белән тулыландырганнар. Бу плакатлар, сугыш хәрәкәтләре барышын чагылдырып, йогынты ясауның көчле коралына әверелгән. Алар Җиңүгә ышаныч һәм ныклы карар белән тулы булган. Аларга карап, күргәзмәгә килүчеләр, әйтерсең, ул катлаулы, әмма шул ук вакытта өметкә тулы чорларга күчеп, һәр минутның, һәр адымның көтеп алынган Җиңүгә юлдагы әһәмиятен тагын бер кат тойдылар”, - ди музейның өлкән фәнни хезмәткәре Светлана Долгова.

Фотолар музейдан.