Зәйдә ачык һава музей күргәзмәсе эшләде

Анда һәр экспонатның  үзендә тарих һәм хәтер кисәкчәсен саклавы күренде. Шул чор көен яңгыратучы  патефон күргәзмәгә наз һәм лирика төсмере өстәде, хәтта иң авыр вакытларда да кешеләр үзләрендә мәхәббәт һәм хыял өчен көч тапканнарын искә төшерде.

Күргәзмәдә Ватан өчен көрәшүчеләрнең кырыс көннәре һәм батырлыклары турында сөйләүче реликвияләр тәкъдим ителде. Зәй районына эвакуацияләнгәннәрнең язмышлары темасы аерым блок булды. Шулай ук 1941 елгы чыгарылыш сыйныф укучыларына аерым игътибар бирелде – яшьлекләре сугыш белән өзелгән, беренче көннәрдән үк Ватанны саклауга баскан кешеләргә дан җырланды. Чын мәгънәсендә кыйммәтле экспонатлар Зәй музееның горурлыгы булып тора. Алар арасында – К. А. Егоровның  солдат медальоны, ә Бөек Ватан сугышы Ветераны Леонид Яковлевич Мачтаков кул куйган Җиңү флагы-ул триумф һәм халкыбыз батырлыгы турында мәңгелек хәтер символы. 

     - "Җиңү мае. Вакыт һәм хәтер" - Бөек Җиңүне якынайткан һәркемгә хөрмәт. Бу безнең һәрберебез өчен тарихка кагылу, геройлар турындагы истәлекне саклау һәм аны киләчәк буыннарга тапшыру мөмкинлеге, ди музейның өлкән фәнни хезмәткәре Светлана Долгова.

фотолар музейдан.