Зәй заводы ветераннары Җиңү юбилее бүләкләрен алды

Әлеге мөхтәрәм затлар заводта хезмәт куеп лаеклы ялга чыккан кешеләр, ә  Бөек Ватан сугышы елларында  яшүсмер  килеш кырларда һәм фермаларда эшләгәннәр, урман кискәннәр, утын ташыганнар, фронтка киткән ир-атларны алыштырганнар. Аларның куллары белән икмәк үстерелә, сөт, ит-башка продуктлар җитештерелә, алар алгы сызыкка, госпитальләргә һәм чолганышта калган шәһәрләргә җибәрелә. 

Завод ветераннары Фәһимә Шакир кызы Әминовага, Анна Ивановна Гаринага, Любовь Федоровна Казанкинага, Евдокия Степановна Лукинага, Мария Ефимовна  Поповага, Анастасия Степановна Малининага, Галина Ивановна  Чапковага җылы  атмосферада Татарстан Республикасы Рәисе һәм Зәй районы башлыгы исеменнән истәлекле бүләкләр һәм чәчәкләр тапшырдылар. Аларга ихлас күңелдән ныклыклары, батырлыклары һәм гомуми Җиңү эшенә бәяләп бетергесез өлеш керткәннәре өчен рәхмәт белдерелде. 

- Сезнең батырлыгыгыз - яшь буын өчен  патриотизм һәм көчле рух  үрнәге. Хезмәтегез, Җиңүгә ышанычыгыз өчен сезгә түбәнчелек белән баш иябез! - дип билгеләп үтте профсоюз комитеты рәисе Илдус Ибраһимов.

Тыл хезмәтчәннәре, үз чиратларында, әлеге авыр еллар  турындагы истәлекләре белән уртаклаштылар, тәүлек буе ничек эшләүләре, ачлыктан интегүләре, әмма җиңүгә ышанулары турында сөйләделәр.