Зәй Җиңү көнен бәйрәм итә

“Җиңүчеләр кайтавазы” театрлаштырылган тамашасы күрсәтелде.  

- Әлеге театрлаштырылган тамаша Җиңү яулаучылар темасын үз эченә ала. Бүген районыбызда яшәүче тавышы чорлар арасында күпер булып,  безне аның гаиләсенең фаҗигале үткәне аша уздыра, анда Бөек Ватан сугышы геройларының күләгәләре җанлана. Аларның кайчандыр тормыш һәм өмет белән тулы тавышлары хәзер туплар дөбердәве һәм кылычлар чылтыравы белән бергә кайтаваз булып яңгырый. Театральләштерелгән тамаша - батырлыклары беркайчан да онытылмаячак Җиңү кешесенә хөрмәт һәм истәлек, - ди тамашаның режиссеры Евгений Каргин.

“Энергетик” Мәдәният сарае иҗат коллективлары әзерләгән матур концерт программасы  күпләр игътибарын җәлеп итте. Тамашаларга 500ләп кеше җәлеп ителгән иде.

Җиңү көне алдыннан гына “Гвардия” эзтабарлар отряды сугыш кырында ятып калганнарның сөякләрен казып алу эшендә катнашып кайттылар, алар тарафыннан әзерләнгән экспонатлар күргәзмәсе дә бик тәэсирле иде.

Яшьләр эшләре идарәсе “Тыл ныграк саен фронт та көчле”, “Герой әтисе” фотокүргәзмәләрен оештырган иде. Андагы махсус хәрби операциядә катнашучы геройларыбыз, аларның гаилә әгъзалары  фотоларын күпләр сокланып та, күз яшьләре аша да карады.

Кыр кухнясында теләүчеләр солдат боткасын татып карый алды.  Коры аш һәм душ әзерләү, маскировка челтәрләре үрү буенча мастер-класслар күрсәтелде.