Зәй яшьләре «Георгий тасмасы» акциясенә кушылды

Бөек Җиңү көнен бәйрәм итү алдыннан Зәй яшьләр эшләре идарәсе "Георгий тасмасы" Бөтенроссия масштаблы акциясенә кушылды.

Бу батырлык, намус һәм кыюлык символы ел саен бөтен ил буенча миллионлаган кешене берләштерә. Яшьләр идарәсе белгечләре өчен акциядә катнашу – Бөек Ватан сугышы ветераннарына хөрмәт күрсәтү, шулай ук патриотизмның һәм буыннар бәйләнешен саклауның мөһим элементы да.

Георгий тасмасы –  халкыбызның үлемсез батырлыгы истәлеге. Аны йөрәк янында йөртү белән без Ватаныбызның тынычлыгын һәм иреген яклаганнарга рәхмәтебезне белдерәбез. Безнең өчен хәзерге яшьләрнең үз иленең тарихын белүе һәм хөрмәт итүе мөһим.

Белгечләр символны этик яктан йөртү кагыйдәләре турында искә төшерделәр: тасманы киемгә сул яктан, күкрәк тирәсендә беркетергә киңәш иттеләр. Шул ук вакытта тасмадагы төрле төсләрнең әһәмияте турында да сөйлиләр: сары – ул ялкын, ә кара – төтен. Икесе бергә солдатларның сугыш кырында шәхси батырлыгы билгеләре булып тора.

Акция 9 майга кадәр дәвам итәчәк.

Фотолар яшьләр эшләре идарәсеннән.