Бөек Җиңүнең 80 еллыгын бәйрәм итүгә әзерлек һәм аны үткәрү кысаларында Идел-Кама табигать күзәтчелеге һәм Татарстан Республикасы буенча «Лаборатор анализ һәм техник үлчәүләр үзәге» хезмәткәрләре Аксар авылында Бөек Ватан сугышында катнашучылар истәлегенә куелган һәйкәл биләмәсен тәртипкә китерделәр.
Һәйкәл һәм аның тирә-юне тулысынча чүп-чардан арындырылды, чистартылды.
«9 Май — Җиңү бәйрәменә кадәр һәр авыл җирлеге алдында һәйкәлләрне, аларның тирә-юнен тәртипкә китерү, һәлак булган авылдашларның исемлеген яңарту бурычы тора. Бу уңайдан Түбән Каманың табигать сагында торучылар көче белән Аксарда зур эш башкарылды. Рәхмәт аларга шундый игелекле эшкә алынганнары өчен», — ди Аксар авыл җирлеге башлыгы Юрий Гыйльманов.
фотолар авыл җирлегеннән
Нет комментариев