20 яшендә сугышка киткән
Бөек Ватан сугышының тынганына 80 ел вакыт узды. Бу канкойгыч, рәхимсез сугыш илебез халкына күпме кайгы-хәсрәт, күз яшьләре, югалтулар китергән. Тыныч, бәхетле тормышта яшәвебез белән без сугыш һәм тыл ветераннарына рәхмәтле.
Утлар, сулар кичкән шул ветераннар арасында Зәйдән Михаил Базанов та бар.
Михаил Максимович 1921 елның 25 сентябрендә Зәйдә туа. 1928-1932 елларда мәктәптә укый. 1941 елның ноябрендә Зәй район хәрби комиссариаты тарафыннан мобилизацияләнә.
Казанда дивизия һәм Столбище строй полкы оештыралар, шунда Михаил Максимовичны атлы разведкага билгелиләр. Аннан алар дивизиясен Мәскәүгә, ә 1942 елның мартында Линево шәһәре янындагы фронтка җибәрәләр, анда Михаил Базанов беренче мәртәбә сугышка керә. Смоленск янында барган сугышларда яраланып, госпитальгә озатыла. Ул көннәрдә алар тау өстендә оборона тоталар. Торфлы сазлыклар хәлне катлауландыра, аларны һәрвакыт түшәргә кирәк була, ә бу исә немец гаскәрләренә сапер гаскәрләренә ут ачарга мөмкинлек бирә.
Разведкага ул Зәйдән сугышчан иптәшләре Константин Старостин, Василий Западнов, Александр Кучеров, Михаил Филинов һәм Дмитрий Петров белән китә. Таң атканда безнең разведка группасын немецлар күреп алып, ут ача. Михаил Базановның аяклары, куллары, башы яралана. Александр Кучеровның кулы өзелә, Афанасьев, Старостин, Лучин яу кырында һәлак булалар. Михаил Максимовичны сугышчан иптәшләре яу кырыннан алып чыгып, госпитальгә озаталар.
1943 елның ноябрендә Михаил Базанов икенче группа инвалид булып демобилизацияләнә. Тыныч тормышта «Заветы Ильича» совхозында эшли.
II дәрәҗә Ватан сугышы ордены белән бүләкләнгән.
Зәй туган як тарихын өйрәнү музее материалы буенча әзерләнде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев