Гает коймагы рецепты

Мин үзем гаеткә мич коймагы пешерүне хуп күрәм. Үз рецептым белән уртаклашам.  Иртән торуга, күпчелек үз рецепты буенча коймак пешерә.

Коймак камыры өчен: 1 стакан сөт, 1 стакан су, 2 йомырка, 2 аш кашыгы шикәр комы, 0,5 аш кашыгы тоз (өймичә), 1 кап коры чүпрә («Саф-момент»), 2 аш кашыгы үсемлек мае, 2 аш кашыгы каймак яки майонез, он кирәк.

Камырны куе итеп ясап, иртәнге 4ләрдә кабартырга куям (кичтән куйсаң да ярый). Ә инде бәйрәм намазы үтүгә пешерергә керешәм. Коймакның астын газ өстендә, ә өстен духовкада «гриль» режимында пешерәм.
Әзер коймакларны сыер мае  яки каз мае белән майларга.

автор фотосы