Зәй табибы церкариаль дерматиттан ничек сакланырга кирәклеге турында аңлата

Шуларның берсе - «су коенучы кычытуы» буларак билгеле церкариаль дерматит.

Бу турыда тулырак Зәй район үзәк дәваханәсе эпидемиолог-табибы Резеда Абзалова аңлата.

-Церкариаль дерматитны церкарияләр - шистосома паразитлары-яссы суалчаннар личинкалары китереп чыгара. Алар төче сулы сулыкларда, бигрәк тә туктап торган яки аз агып торган сулыкларда булырга мөмкин. Җәйге җылы айлар аларның үсеше өчен уңайлы шартлар булып тора.

• Чирне ешрак су кошлары, аерым алганда үрдәкләр тереклек иткән сулыкларда йоктырырга мөмкин. Кошлар паразитның тереклек циклының бер өлеше булып торалар.
• Церкарияләр кеше тиресенә үтеп керә. Алар үтеп кергән урында кызару, зур булмаган куыклар һәм башка тире җәрәхәтләре барлыкка килергә мөмкин. Төп симптом булып көчле кычыту тора.
• Шул ук вакытта церкарияләр кеше организмында үсәргә сәләтле түгел һәм берничә сәгать эчендә тиредә үләләр. Шуңа да карамастан, авыруның күңелсез чагылышлары ике-өч атнага кадәр сакланырга мөмкин. Шуны белү мөһим: церкариаль дерматит кешедән кешегә күчми.
• Белгечләр су янында ял иткәндә берничә гади кагыйдәне үтәргә киңәш итә.
• Җиһазландырылган пляжларны сайлагыз. Суның сыйфатына даими лаборатор тикшерү үткәрелүче махсус билгеләнгән урыннарда су коену куркынычсызрак.
• Үрдәкләр һәм башка кошлар янында су коенырга, шулай ук аларны турыдан-туры су коену урынында ашатырга ярамый.
• Коенганнан соң яхшылап юыныгыз. Тирене сөлге белән интенсив сөртү әле тирегә үтеп керергә өлгермәгән церкарияләрне алып ташларга ярдәм итә ала. Өйгә кайткач, сабын һәм мунчала белән душ керергә киңәш ителә.
• Саклагыч кием кулланыгыз. Әгәр суда җиһазландырылмаган урында, мәсәлән, балык тотканда яки эшләр башкарганда гидрокостюм яки ачык тән мәйданын киметә торган тыгыз кием кияргә кирәк икән.
• Коенганнан соң нык кычыту, кызару яки тиредә куыкчыклар барлыкка килсә, медицина ярдәме сорап мөрәҗәгать итәргә һәм белгечкә күптән түгел төче су белән контакт турында хәбәр итәргә киңәш ителә.