Табиб-невролог киңәше: Баш авыртуына түзәргә ярамый
Баш авыртуы һәрвакыт арыганлык яки стресс белән генә бәйле түгел, кайвакыт ул җитди авыруның беренче сигналы булырга мөмкин, шуңа күрә куркыныч симптомнарны игътибарсыз калдырырга ярамый.
Район үзәк дәваханәсе невролог табибы Александр Мороз әгәр баш авыртуы ешайса, аның характеры үзгәрсә, ул күңел болгану, сөйләм бозылу, кул-аякларның хәлсезлеге, көзән җыерулар белән озатылса яки гадәти авыртуны басучы дарулар ярдәм итмәсә, мөмкин кадәр тизрәк табибка мөрәҗәгать итәргә кирәк, дип искәртә.
Баш мие шешләреннән махсус профилактика юк, әмма сәламәт яшәү рәвеше, зарарлы гадәтләрдән баш тарту, кан басымын контрольдә тоту, тулыканлы йокы һәм вакытында үткәрелә торган профилактик тикшеренүләр күп кенә авырулар куркынычын киметергә ярдәм итә.
“Үз-үзегезне дәвалау белән шөгыльләнмәгез. Әгәр баш авыртуы даими яки гадәти булмаган төс алса, терапевт яки неврологка кабул ителүгә язылыгыз. Вакытында куелган диагноз сәламәтлекне саклап калырга ярдәм итә”, – ди Александр Мороз.
фото редакция архивыннан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев