Бу көннәрдә Зәйнең туган як тарихын өйрәнү музее хезмәткәрләре Югары Шепкә мәктәбендә булдылар һәм башлангыч сыйныф укучылары өчен «Сәламәт булу — бу зәвыклы» дигән мавыктыргыч әңгәмә үткәрделәр
Әңгәмә җанлы һәм файдалы булды: балалар белгечләр белән бергә нинди гадәтләр сәламәтлекне ныгыта, ә кайсылары зыян китерә ала икәнлеге турында фикер алыштылар. Гаджетларны дөрес һәм акыллы куллануга аерым игътибар бирделәр.
“Теория яхшырак истә калсын өчен очрашуны мультфильмнар карау белән тулыландырдык. Алар аңлаешлы формада чыныктыруның файдасы, гигиена кагыйдәләре һәм зарарлы гадәтләрнең нәтиҗәләре турында иде. Мөһим нәрсәләрне дә онытмадык, чарада һәр катнашучыга пилотсыз очкычлар куркынычы булганда үз-үзеңне тоту кагыйдәләре язылган белешмәлек тапшырылды”, - ди музейның өлкән фәнни хезмәткәре Светлана Долгова.
Ә очрашу ахырында һәр балага «Непоседа» журналы бүләк ителде. Мондый чаралар укучыларның дөньяга карашын киңәйтеп кенә калмыйча, үз сәламәтлекләренә һәм иминлекләренә аңлы мөнәсәбәт формалаштырырга да ярдәм итә.
Нет комментариев