Зәй каратистлары халыкара бәйге җиңүчеләре

Анда Россия, Белорусия, Казахстан, Әзербайҗаннан 45 команда составында 700гә якын спортчы катнашты. Безнең шәһәр, республика өчен биредә Алексей һәм Владимир Ревиннар кул астында шөгыльләнүчеләр чыгыш ясады. Безнең спортчыларга 4-5 круг көрәштә катнашырга туры килде, алар пьедесталга җитди көрәш нәтиҗәсендә күтәрелделәр. Үз категорияләрендә Егор Ревин, Роман Решетов, Амелия Камалиева, Әмир Ишмөхәммәтов чемпион булдылар. Спортчыларга алга таба да уңышлар телибез.