«Хезмәт десанты»: Шәһәр мәдәният йорты хезмәткәрләре өмәгә чыкты

Бурычлары гади, ләкин бик мөһим иде — тирә-юньне чистарак һәм уңайлырак итү. Һава торышы да матур иде.  Һәм күңелле көзге  һава торышында коллектив эшләрне тиз башкарып чыкты: яфракларны җыйдылар, юлларны себерделәр, чүп-чарны җыештырдылар. Эшләре гөрләп барды, барысының да кәефе күтәренке иде, ә аралашу һәм уртак хезмәт команда рухын гына ныгытты. Көзге өмә оештыру нәтиҗәсендә территория сизелерлек үзгәрде, матурланып калды.

— «Шуны онытмыйк,  чисталык чыннан да барыбыздан  башлана. Бергәләшеп көч куйганда, тиз генә башлаганны төгәлләп була. Бергәләп башкарган хезмәтнең нәтиҗәсе дә күзгә күренерлек матур булды.  Бергәләшеп күңелле итеп җыештырганнан соң, тирә-юнебез тагын да күркәмләнеп, ямьләнеп калды», – ди мәдәният хезмәткәрләре.