Район эчке эшләр бүлегендә җыелыш: хакимият һәм полиция диалогы

Очрашуда Разиф Галиевич районның социаль-икътисади үсеш йомгаклары турында доклад белән чыгыш ясады, төп күрсәткечләрне һәм казанышларны билгеләде. Район башлыгы хокук саклау органнары эшенең әһәмиятен аерым билгеләп үтте: нәкъ менә аларның эшчәнлеге нәтиҗәсендә муниципалитет территориясендә тотрыклылыкны һәм хокук тәртибен саклап калырга мөмкин.

Бүләкләү тантанасы чараның мөһим өлеше булды. Күпьеллык нәтиҗәле хезмәтләре өчен һәм юбилей даталары уңаеннан эчке эшләр органнары хезмәткәрләре Юлия Ентальцева һәм Галина Рәхимова Зәй муниципаль районы башлыгының Рәхмәт хатлары белән бүләкләнделәр. Разиф Кәримов бүләкләнүчеләргә профессиональлекләре, эшкә тугрылыклары һәм җәмәгать иминлеген тәэмин итүгә керткән зур өлешләре өчен рәхмәт белдерде.

Җыелыш эшлекле атмосферада узды һәм район администрациясе белән хокук саклау органнары арасындагы хезмәттәшлекне ныгытуга таба тагын бер адым булды.

• Л. Фәрхетдинова фотолары