Мирный бистәсе мәдәният йортында Россия Федерациясе халыклары телләре көненә багышланган «Изгелек юлы буйлап» дип исемләнгән күңел ачу программасы узды
Чара мәгърифәтчелек һәм уен элементларын берләштерде, шулай ук иҗат һәм уртак эшчәнлек аша балалар белән мөһим темалар турында ничек сөйләшергә мөмкин икәнен күрсәтте.
Туган тел — буыннарны тоташтыручы җеп
Программаның беренче өлеше илебез мәдәниятләре һәм телләренең төрлелегенә багышланды. Катнашучылар Россия халыкларының тарихы һәм рухи тирәнлеге гореф-гадәтләрдә, әкиятләрдә, җырларда һәм мәкальләрдә ничек чагылыш табуы турында сөйләштеләр. Туган телнең буыннарны тоташтыручы җеп буларак роленә аерым игътибар бирелде: нәкъ менә ул ата-бабаларыбызның зирәклеген саклый һәм мәдәни мирасны балаларга тапшырырга ярдәм итә. Үз телеңне саклау гына түгел, башка халыкларның телләренә дә хөрмәт белән карауның мөһимлеге турында җылы сүзләр әйтелде — чөнки күпмилләтле илнең чын бердәмлеге нәкъ менә шунда.
Уен аша — мөһим кыйммәтләрне аңлату
Балалар өчен мәдәният йорты хезмәткәрләре кызыклы чаралар калейдоскобы әзерләгән иде. Балаларны музыкаль уеннар, кызыклы конкурслар һәм интерактив чыгышлар көтте. Күңелле сынаулар барышында балалар әдәпле сүзләрне һәм мәкальләрне искә төшерделәр, табышмаклар чиштеләр, коткару эстафеталарында катнаштылар һәм изгелек турында җырлар җырладылар. Һәр бирем үзендә гади, ләкин мөһим фикерне йөртте: игелек һәм үзара ярдәмләшү кечкенәдән — җылы сүздән, ярдәмнгә әзер булудан башлана.
Күпмилләтле Ватанның бердәмлеге — уртак кыйммәтләрдә
«Изгелек юлы буйлап» программасы балаларга күп кенә уңай эмоцияләр бүләк итеп кенә калмыйча, төрле милләт кешеләрен берләштерүче кыйммәтләр турында аңлаешлы телдә сөйләшергә дә ярдәм итте. Мондый чаралар Ватаныбызның мәдәни төрлелегенә хөрмәт белән карау тәрбияләүгә кечкенә, ләкин әһәмиятле өлеш булып тора.
Нет комментариев