Ринат Фәрдиев исемендәге ял паркында бүген бик күп тематик мәйданчыклар урын алган иде. Аларга юл паркта Карамалы елгасы аша салынган матур күперләр аша үтте. Һәр күпер белән үзәк китапханә җитәкчесе Сәрия Батршина таныштырып барды
Аларның мәгънәсе
Паркта барлыгы 5 күпер: "Үбешү", "Халык сукмагы", "Өметләр", "Татулашу" һәм "Яңа өйләнешүче яшь парлар" күперләре. Соңгысында яшь парлар никахлашу көнендә нык гаилә билгесе итеп йозаклар элә.
Тематик мәйданчыклар: тарих, спорт, иҗат
Мәйданчыкларда төрле юнәлештәге күргәзмәләр эшләде. Шәһәрнең туган як тарихын өйрәнү музее Совет чоры фатиры гәүдәләнгән "Ретроспектива Заинска" күргәзмәсен тәкъдим итте. Физкультура, спорт һәм туризм идарәсе "Минем ишегалды уеннары" темасына өстәл уеннары (нард, шахмат, шашка, домино, лото) оештырды. "Беренчеләр хәрәкәте" активистлары "Ура, авылга" проектын тәкъдим итте. Районның әйдәп баручы предприятиеләре һәм хезмәт династияләре фотосурәтләре дә күрсәтелде.
Мәдәният, сәнгать һәм кул эшләре бәйрәме
Габдулла Тукайның тууына 140 ел уңаеннан "Тере картиналар" мәйданчыгы оештырылды, анда әдип әсәрләре сурәтләнде. Музыка мәктәбе укытучылары һәм укучылары "Шүрәле" композициясен халык уен коралларында башкарды. Тукай (140 ел) һәм Җәлилгә (120 ел) багышланган "Поэзиянең ике кояшы" китап фестивале узды. "Кул эшләре" күргәзмәсендә мастер-класслар оештырылды, балалар сәнгать мәктәбе укучылары республика һәм шәһәр истәлекле урыннарын ясап, картиналар тәкъдим итте. Спорт мәйданчыклары, патриотик чаралар һәм фотозона да эшләде.
Нет комментариев