Зәйнең 1нче мәктәбе укучылары Ленинград блокадасындагы тарихи фактларны сәхнәләштереп күрсәттеләр

 VII “б” сыйныф укучылары һәм 1нче мәктәп музее хезмәткәрләре алдында гадәти булмаган бурыч торды – ике атна эчендә 15 битлек сценарий язу. Мәктәп бер вакытка театр мәйданчыгына - подъездлы коммуналь фатирга әйләнде.

-Тамашачыларга Наталья Васильевна һәм аның кызының, күрше ишегалдындагы балаларның язмышы күрсәтелде. Ач шәһәрдә ничек исән калырга, ярдәм итәргәме, әллә битараф булып узып китәргәме - кайсын сайларга – исән калу шуңа бәйле иде. Сәхнә артында фильм-спектакль блокададагы тарихның фаҗигале битләрен ачты. Метроном, һава тревогасы фильмга кискенлек өстәде, - ди туган як тарихын өйрәнү музееның өлкән фәнни хезмәткәре Светлана Долгова.

Тамашачылар 1нче мәктәпнең III-IV сыйныф укучылары булды.

Фотолар музейдан.