Зәйдә иске диванны кая чыгарырга була

Диваннарны, креслоларны һәм шкафларны полигонга мөстәкыйль рәвештә чыгару өчен йөк транспорты яллау, йөк төяүчеләр хезмәтләре һәм полигонга керү өчен түләү таләп ителә, ә бу сумма берничә мең сумга җитәргә мөмкин.

Шуңа бәйле рәвештә редакциягә еш кына кирәкмәгән диванны өй янындагы контейнер мәйданчыгында калдырырга мөмкинме, дип  мөрәҗәгать итүчеләр бар.

Әлеге сорауга Зәй шәһәре башкарма комитеты җитәкчесе Наталья Павлова аңлатма бирә. 

-Зур күләмле калдыкларны, шул исәптән иске мебельне чыгаруны  торак-коммуналь хуҗалыгы оештыра. Диваннан яки башка зур күләмле чүпләрдән законлы һәм артык чыгымнарсыз котылу өчен торак-коммуналь хезмәтләр өчен түләү квитанциясендә идарә итүче оешманың контакт телефонына шалтыратырга һәм зур габаритлы калдыкларны чыгару өчен заявка калдырырга кирәк. Ни өчен мебельне контейнер мәйданчыгына ташлап булмый? Чөнки гади чүп түгү мәйданчыкларында калдырылган мебель башка яшәүчеләр өчен уңайсызлык тудыра, шәһәр санитар нормаларын һәм төзекләндерү кагыйдәләрен боза. Күпфатирлы йортлар аша махсус чыгару чисталыкны һәм тәртипне тәэмин итәргә, шулай ук калдыкларның дөрес эшкәртелүен гарантияләргә мөмкинлек бирә.

автор фотосы