Узган атнада район эчке эшләр бүлегендә ике урлашу очрагы теркәлгән.
7 апрельдә Зәйдә яшәүче 44 яшьлек ир-аттан бүлеккә гариза керә. Ул подъездларыннан велосипедын урлаулары турында хәбәр итә. Аңа 10 мең сумлык матди зыян килә.
“Җинаятьчеләрне эзләү төркеме хезмәткәрләре тарафыннан велосипедны 29 яшьлек Зәй кешесе урлавы ачыкланды”, - дип хәбәр итәләр полиция хезмәткәрләре.
10 апрельдә Зәйдәге бер кибеттән 20 мең сумлык товар урлыйлар.
“Әлеге җинаятьне кылуда гаепләнеп, тикшерү-оператив төркем хезмәткәрләре тарафыннан элек тә хөкемгә тартылган 47 яшьлек Зәй кешесе тоткарланды”, - дип хәбәр итәләр район эчке эшләр бүлегеннән.
Нет комментариев