Узган атнада районда талау һәм кыйнау очрагы теркәлгән. Бу хакта район эчке эшләр бүлегеннән хәбәр итәләр.
23 гыйнварда Зәй үзәк дәваханәсенә 46 яшьлек хатын-кыз мөрәҗәгать итеп, үзен кыйнаулары турында әйтә. Тикшерү эше барышында аның танышы белән спиртлы эчемлекләр эчеп утыруы, әлеге танышының аны кыйнап, 2000 сум акчасын урлавы ачыклана.
«Тикшерү-оператив төркем хезмәткәрләре тарафыннан әлеге җинаятьне кылуда гаепләнеп, элек тә хөкемгә тартылган Зәй кешесе тоткарланды, ул үз гаебен таныды», — дип хәбәр итәләр полициядән.
Нет комментариев