Шигъри тәлгәш

Кайтып киләм

Җил аркамнан этә, туган ягым 
                                                 көтә,
Кайтып киләм урман буеннан.
Басу-кырлар көтә, җәйләүләрем 
                                                  көтә,
Күзем алмыйм авыл юлыннан.
Урала ефәктәй йомшак җил 
                                             муенга,
Кәккүк тавышлары урманда.
Элеккечә туктап, бармак бөгеп 
                                               торам,
Кәккүк саный, мин үз уемда.
Авыл өсләрендә азан 
                                    тавышлары,
Һәр авазын йөрәккә салам.
Монда күңел тыныч, җилләр 
                                    сезгә әйтәм,
Калам әле, авылда калам.

Рәмзия Ильина (Юнысова)