Шигъри тәлгәш

Көз

Артта калды матур җылы җәйләр,
Килеп җитте җиргә алтын көз.
Җылы якка очып китте кошлар,
Канат кагып, аваз-моң салып.
Алтын көзнең төсле яфраклары,
Кояш нурларында ялтырый.
Назлап искән җилләр кинәт кенә,
Битләремнән минем кытыклый.
Тәрәзәдән карыйм тирә-якка,
Җир өсләре кара, буш калган.
Бакчаларда алмагачлар гүя,
Матур, купшы күлмәкләрен салган.
Өй каршында үсә миләшләрем,
Сокландыра алар һәрвакыт.
Җимешләре -кызыл тәлгәшләре
Алар минем якын сердәшләрем.