Шигъри мизгел

Сабантуй бүген җирдә,
Халык бездә җитез дә -
Пар атлары җигелгән,
Сөлгеләре чигелгән.

Чут-чут килеп тугайда
Җырын көйли тургай да.
Таңда кояш нурлары
Күренә офыкларда.

Бәйрәм итә бар халык –
Һәрбер йортта дуслык-туганлык;
Җыелышкан дус-ишләр,
Пешә мичтә бәлешләр.

Туганнар читтән кайта,
Бүләкләрен тарата.
Ак яулыклы әбиләр,
Дога укып, кул тота.

Бала-чага куана,
Иртүк торып юына;
Матур күлмәген кия,
Сабантуйга жыена

Гөрлеп тора мәйданнар,
Жиңү тота батырлар.
Капчык киеп йөгергән
Кызлар бигрәк матурлар.

Яшәсен җирдә шатлык,
Булсын илдә тынычлык.
Халкым минем бик күркәм
Кунакчыл, ачык, бердәм.

Рәмзия Ильина.