Шигъри мизгел

8 Март – назлы бәйрәм
8 Март – нурлы бәйрәм –
Хатын-кызлар бәйрәме.
Бүләк итә ир-егетләр
Матур җырлар бәйләмен.
8 Март – назлы бәйрәм,
Язның кабат кайтуы.
Күңелдәге хис-тойгыны
Яңадан уятуы.
Кышкы татлы йокысыннан
Табигать уянуы.
Күктә кояш елмаюы,
Айның якынаюы.
Табигать белән безнең дә
Күңелдә дәрт артуы.
Бу кемне икән табигатьнең
Өзелеп яратуы?!
8 Март – нурлы бәйрәм,
Куанычлар китерсен.
Хатын-кыз һәм ир-егеткә
Һәрчак татулык бирсен.
Язның беренче бәйрәме
Белән котлап дәшәмен:
Бүләк булсын әле сезгә
Шигъри чәчәк бәйләмем.

Татьяна Миронова