Зәйлеләрне фин-угор халыклары фестивалендә катнашырга чакыралар

Ул милләтләрнең традицион мәдәниятен саклау, үстерү, үзешчән фольклор коллективларны ачыклау, яшьләрне милли мәдәниятка тарту максатын күздә тотып үткәрелә. Фестиваль программасына милли орнаментлар кертеп ясалган сувенирлар әзерләү буенча мастер-класслар уздыру, төрле уеннарны барлау да кергән. Шулай ук төрле халыкларга хас кул эшләреннән күргәзмәләр дә урын алачак. Иҗат коллективлары җитәкчеләре, музей хезмәткәрләре өчен тематик семинарлар да оештырылачак.

Ә фестиваль бәйгесендә ансамбльләр, халык җырларын башкаручылар, гамәли-сәнгать эшләре осталары көч сынаша. Соңыннан иң яхшы чыгышлардан Гала-концерт әзерләнә.