Зәйдә социаль хезмәт алучыларга Сабантуй бәйрәме оештырылды
5 июньдә Зәйнең «Радость» халыкка социаль хезмәт күрсәтү комплекслы үзәге базасында көндезге бүлектә тәрбияләнүчеләр өчен борынгы һәм һәркемнең яраткан Сабантуе булып узды.
«Сабан бәйрәме» дип аталган чара барлык катнашучыларны чын-чынлап берләштерде.
Сабантуй бәйрәме чын авыл бәйрәме кебек яшел чирәмдә, социаль хезмәт алучылар өчен уңайлы шартлар тудырылып оештырылды, анда һәркем үзен зур вакыйганың бер өлеше итеп тойды.
Социаль хезмәт алучыларның пассив тыңлаучылар булмавы аеруча кыйммәтле. Алар Сабантуй традицияләрен белеп кенә калмадылар, ә үзләре борынгы тантанада актив катнаштылар. Алар үз мөмкинлекләренә яраклаштырылган уеннарга һәм милли конкурсларга бик теләп кушылдылар. Программада сулы чиләкләр белән йөгерү, катыктан тәңкәләр эзләү, аркан тарту һәм таяк тартышу бар иде.
“Чара физик мөмкинлекләренә карамастан, һәр кешегә хезмәт, мәдәнияткә хөрмәт һәм аралашу шатлыгы мөмкин булуын тагын бер кат исбатлады. Бу көнне мәйданда шау-шулы, күңелле бәйрәм булды. Катнашучылар бер-берсенә ярдәм иттеләр, көлделәр, борчылдылар һәм шатландылар”, - ди мәдәни чараны оештыручы хезмәткәр Кәүсәрия Кузнецова.
фотолар социаль үзәктән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев