Зәйдә балалар милли бизәкләр белән таныштылар

Чараның максаты  мәктәпкәчә яшьтәге балаларны татар, рус һәм керәшен халкының орнамент сәнгате белән музей әйберләре аша таныштыру иде.

Зал мини-музей итеп бизәлде: милли костюмнар, экспонатлар, чигелгән сөлгеләр, агачтан уеп ясалган детальләр, китаплар урнаштырылды. 

“Балалар чара барышында татар орнаментлары — чәчәк мотивларына басым ясап, лалә чәчәге  - яз символы һәм ачык төсләр палитрасы; рус һәм керәшен бизәкләре белән таныштылар. Аннан балалар иҗатка күчтеләр: «Бизәк җый» уенында пазллар җыйдылар, милли бизәкләр мотивлары буенча мастер-класс үткәрелде. Алар өч тип орнаментның символикасын белделәр, мотивларны аерырга өйрәнделәр, үз бизәкләрен булдырдылар”, - ди музейның фәнни хезмәткәре Дарья Гёргюн.

Чара Татарстанның мәдәни мирасын саклау программасы кысаларында узды.

Фотолар музейдан.