«Питрау чибәре» өчен тавыш бирегез

«Питрау чибәре-2023» бәйгесендә быел җиде кыз катнаша. Алар — Альбина Сайфуллина, Айгөл Габдрахманова, Юлия Васильева, Алиса Сабаева, Марина Локманова, Резеда Мозаффарова, Алеся Димитриева.

Традиция буенча, «Питрау чибәре» өчен кызлар 12 июльдә Питрау бәйрәмендә көч сынашачак. Бәйге нәтиҗәләре буенча бары бер кыз гына «Питрау чибәре» исеменә лаек булачак. Ә калган кызлар аерым номинацияләрдә бәяләнәчәк. Алар арасында иң сөйкемле, талантлы, акыллы, милли, уңган кызны билгеләчәкләр. Интернетта тавыш бирү нәтиҗәләре буенча «Социаль челтәрләрдә иң танылган кыз» номинациясендә җиңүче билгеләнәчәк.

«Социаль челтәрләрдә иң танылган кыз» номинациясе өчен район мәдәният йорты социаль челтәрендә тавыш бирегез.