«Кояшкай» балалар бакчасында Нәүрүз бәйрәмен үткәрделәр

Бу бәйрәм безнең төбәкләрдә, язны каршылап, язгы чәчү эшләре алдыннан үткәрелә торган халык бәйрәме булып санала. Ул — дуслык, киң күңеллелек, кунакчыллыкны үз эченә ала.

«Кояшкай» балалар бакчасы балалары көн белән төн тигезләшкәндә үткәрелә торган әлеге бәйрәмне бик күңелле билгеләп уздылар. Нәүрүзбикәне Убырлы сихерләп яшереп куйган. Балалар аны төрле сынаулар үтеп эзләделәр. Бәйрәмдә татар халык уеннары уйналды, җыр-бию белән үрелеп барды. Фольклор бәйрәмнәрен уздыру балаларыбызда телебезгә карата мәхәббәт хисләре, әхлак тәрбиясе уятырга ярдәм итә, борынгы гореф-гадәтләрне онытмаска өйрәтә.

фотолар балалар бакчасыннан.