Имәнлебашлылар Авыл көненә чакыра

Соңгы елларда Имәнлебашта Сабантуй урынына Авыл көне уза. Бәйрәм нәкъ Сабантуй ярышларын үз эченә ала. Көрәш тә, спорт ярышлары, күңелле уеннар, биюләр һәм җырлар – барысы да булачак. 

-Бәйрәмдә “Озын толым” бәйгесе дә узачак, авылыбызның үрнәк гаиләләре, яңа туган балалар хөрмәтләнәчәк. Махсус кунаклар, җырчылар килүе дә көтелә. Бәйрәм авыл халкы, яиттә яшәүче авылдашлар көче  белән оештырыла. Без һәрчак, һәрбер кунакны сөенеп каршы алабыз, - ди Имәнлебаш мәдәният йорты җитәкчесе Энҗе Әхмәтҗанова.

Имәнлебашлыларның үзләренә генә хас мавыктыргыч чараларын күрәсегез килә икән,  бәйрәмгә рәхим итегез. Башлана көндезге сәгать 1дә.