Бердәм фольклор көне Зәйнең Мирный бистәсендә яшәүчеләрне паркка җыйды

«Бердәм фольклор көне Россия халыкларының фольклор мирасын саклауга һәм популярлаштыруга ярдәм итә, халык иҗатын өйрәнүне дәвам итәргә булыша. Максатыбыз — балаларны һәм яшьләрне халык мәдәнияте, аның кыйммәтләре, фольклор традицияләре белән таныштыру», — ди мәдәният хезмәткәрләре.

Алып баручы ата-бабаларыбыздан калган гореф-гадәтләр, бәйрәмнәр һәм уеннар турында сөйләде. «Ивушка» фольклор коллективы ата-бабаларыбызның көнкүреш әйберләре белән таныштырды. Балаларны кер юу тактасы, самовар, кулъяулык, керосин лампасы кебек әйберләр кызыксындырды.

Чарада катнашучылар «Шатер», «Миланьиядә», «Алтын капкалар» һәм башка уеннарда рәхәтләнеп уйнадылар, әйлән-бәйлән әйләнделәр, халык җырларын һәм такмаклар җырладылар.

Фольклор программасы һәркемгә чын мәгънәсендә бәйрәм кәефе бүләк итте.