Зәйнең яшь футболчылары әти-әниләре командасына каршы иптәшләрчә матчта уйнады
Зәйнең «Спорт энергиясе» футбол манежында Ватанны саклаучылар көненә багышланган 2016-2017 елда туганнардан төзелгән командада уйнаучы яшь футболчылар әти-әниләреннән тупланган команда белән иптәшләрчә матч үткәрде.
Спорт чарасы «Яшьләр һәм балалар» илкүләм милли проекты кысаларында узды.
Билгеле булганча футбол мавыктыргыч уен гына түгел, ә физик сыйфатларны үстерүгә ярдәм итүче спорт төре дә. Биредә координация, көч, сыгылмалылык һәм чыдамлылык яхшыра. Моннан тыш, әлеге чара буыннар бәйләнешен һәм гаилә традицияләрен ныгытуның бик яхшы үрнәге дә булды.
«Бүген манежга физкультура һәм спортка битараф булмаган кешеләр җыелды, ә бу безнең барыбызның да күңел күтәренкелеге, сәламәтлек һәм яхшы кәеф заряды алуын аңлата», — диде бер футболчының әнисе Инга Шишмагаева.
Спорт характер тәрбияләргә ярдәм итә, дисциплинаны үстерә һәм командада эшләргә өйрәтә. Мондый вакыйгаларның даими узуы мөһим, чөнки алар уртак мәнфәгатьләр һәм кыйммәтләр тирәсендә төрле яшьтәге кешеләрне берләштерә.
Следите за самым важным и интересным в Telegram-каналеТатмедиа
Нет комментариев